इन्फ्रास्ट्रक्चर बैंकको आईपीओ बाँडफाँड,५ लाखले पाए ६० कित्ता

नेपाल इन्फ्रास्ट्रक्चर बैंकले सर्वसाधारणलाई निष्काशन गरेको साधारण शेयर (आईपीओ) को बाँडफाँड भएको छ । बैंकको शेयर निष्काशन तथा बिक्री प्रबन्धक एनआईविएल एस क्यापिटको कार्यलयमा शुक्रबार बिहान १० बजे शेयर बाँडफाँड भएको हो । आईपीओ फर्ने सबैले मा सेयर पाएका छन् ।

इन्फ्रास्ट्रक्चर बैंक बिक्री प्रबन्धक एनआईविएल एस क्यापिटका अनुसार १० देखि ५० कित्तासम्म माग गर्नेलाई माग अनुसार नै पाएका छन् । आबेदन दिने सबैलाई ५० कित्तासम्म बाँडफाँड गरी बाँकी रहेको ४९ लाख २० हजार ७२० कित्ता शेयर गोलाप्रथाबाट ५० कित्ता भन्दा बढी आवेदन गर्ने ४ लाख ९२ हजार ७२ जनालाई थप १० कित्ता दरकाले बाँडफाँड भएको हाे ।

साधारण शेयर (आईपीओ) ५० कित्ता भन्दा बढी आवेदन गर्नेले गोलाप्रथाबाट अधिकतम ६० कित्तासम्म आवेदनकर्ताले शेयर पाएका छन् । बैंकले माघ २ गते देखि ६ गते सम्म जारी पूँजी २० अर्ब रुपैयाँको ४० प्रतिशतले हुन आउने ८ अर्ब रुपैयाँ बराबरको ८ करोड कित्ता साधारण शेयर निष्काशनमा ल्याएको थियो । आईपीओमा आवेदन गरेकामध्ये १४ लाख ७५ हजार ८० वटा आवेदन योग्य परेका छन् भने ६ हजार २७६ वटा आवेदन रद्ध भएको क्यापटलले जनाएको छ ।

हाल इन्फ्रास्ट्रक्चर बैंकको चुक्ता पूँजी १२ अर्ब रुपैयाँ रहेको छ । अब ८ अर्ब रुपैयाँ बराबरको आईपीओ बाँडफाँट पश्चात बैंकको चुक्ता पूँजी २० अर्ब पुग्नेछ ।