प्रचण्ड र माधव नेपाल निर्वाचन आयोग पुगेका छन्, के आधिकारिकता पाउलान्?

काठमाडौं । अध्यक्षद्वय नेकपा पुष्पकमल दाहाल प्रचण्ड र माधवकुमार नेपालसहितका नेताहरु आधिकारिकता दाबी गर्दै निर्वाचन आयोगमा पुगेका छन् ।

पछिल्लाे पटक सोमबार बसेको सो समूहको केन्द्रीय समितिको बैठकले आयोगमा आधिकारिकता दाबी गर्न जाने निर्णय गरेको थियो । राजनीतिक दलसम्बन्धी ऐनको दफा ४४ अनुसार आधिकारिता दाबी गर्ने निर्णय नेकपाको प्रचण्ड-माधव समूहले गरेको छ ।

४४१ जना मध्य बहुमत केन्द्रीय सदस्यहरु आफूसँगै रहेको भन्दै प्रचण्ड-माधव समूहले आफूहरुले नै आधिकारिकता पाउनुपर्ने दाबी गर्दै आएको छ ।

आधिकारिकता दाबी गरेसँगै अब निर्वाचन आयोगमा पार्टी बिभाजन हुने देखिएकाे छ । आधिकारिकता कस्ले पाउने भन्ने कुरा अब निर्वाचन आयोगले नै फैसला गर्ने छ ।