रबि लामिछानेकाे पार्टी सरकारमा जाने मन्त्रालय भोलि टुंगो लाग्ने

काठमाडाै- रबि लामिछानेकाे पार्टी सरकारमा जाने भएकाे छ । बालकोट बैठकबाट राष्ट्रिय स्वतन्त्र पार्टी (रास्वपा) ले माओवादी अध्यक्ष पुष्पकमल दाहाल प्रचण्ड नेतृत्वको सरकारलाई समर्थन गर्ने भएको हाे ।

रास्वपाका प्रवक्ता मुकुल ढकालका अनुसार सरकारलाई समर्थन गर्ने निर्णय भएको छ । उनका अनुसार पार्टी सरकारमा जाने मोटामोटी सहमती भएको छ । उनले भने, ‘सरकारमा जाने मोटामोटी सहमती भएको छ । तर, अब मन्त्रालयको विषयमा भने टुंगो लगाउन बाँकी छ ।’

रास्वपाले मन्त्रालयको विषयमा भोलिसम्म टुंगो लगाउने उनले बताएकाे छ । उनले भने, ‘सरकारलाई समर्थन गर्ने र सरकारमा जाने विषय आज टुंगियो । मन्त्रालयको विषय पार्टीमा छलफल गरेर भोलिसम्म टुंगो लाग्छ ।’ अब रबि लामिछाने मिडियाकर्मी मन्त्री बन्ने पक्का भएकाे छ ।